ابوذيات

موضوع: ابوذيات الأربعاء ديسمبر 15, 2010 9:22 am

فصوص العين فص يمي وفص لك
يامن يوسف انت اصلك وفصلك
اخيطلك بايدي تدريني وافصلك
واجيبك فيت يل ترهم عليه

يون الكلب وتاثر بما ان
وتشب الروح ماتطفي بمأن
طحت كدامك وكتلي بما ان
طلبت العون مني اتبوس ادية

سجاجين الدهر بيدك وحدنة
و عبرنة حدود من بعدك وحدنة
تعال ثنين خلي نكعد وحدنة
و اسولف عليك والله مو عليه

وحك الي يفرض دينه علينه
غالي وماتهون انت علينه
لومرة يمر شخصك علينه
طريح افراش وانهض للتحيه

همس طاريك لأفكاري جفلهة
حمامة وبالعشك طارك جفلهة
الفرح مايرهم لروحي جفلهة
شفت بس الحزن يرهم عليه

عشانة احنة فلافل وانتوا باجه
عليك احنة نتلاطم ونتباجه
انه المبجوج كَلبي وانته باجه
أخيطة لحاف يطلع جودلية

هجرك لعد روحي مرعداهه
وحبك مرض معدي مرعداهه
روحي تخاف اذا مرو اعداهه
اموتن اذا شامت يمر بيه

شخص ما احترم غيرك ولاهاب
ولا هادي الشخص غيرك ولاهاب
حبك نار ما يبرد ولاهاب
يجوي الكلب كل صبح اومسيه

عليكم ثوب اسود اضل لابس
وما احمل فراك وقهر لابس
اذا ما بيك جيه بعد لاباس
خل صورتك عدي وهايهيه

عشرتك بعد صدك مرجع الهه
لان هجرك القاسي مر جعلهه
انه الجنت صاير مرجع الهه
واعلمنك مناهج حوزويه

شكثر بجفاك ون كلبي وهم لك
وعقلي قفل فاركني وهم لك
شتضن انساك يل غالي وهم لك
وانت بجسمي دم يدور بية

القهر والظيم وكتي ورثاني
وجروحي اراداف واحد وره ثاني
جكارة بحلك وكتي ورثاني
وظن بس نفس واحد ظال بيه

وحك موسى كليم الله ونوحاي
اغركت بالنوم خلك الله وانا حاي
علي دكي يوالدتي ونوحي
البچي بالفاتحة شيفيد اليه

تعال انطيك عن گلبي ... وصل به
واجيب الشامت گبالك ... وصلبه
ابوي اطلعت من ظهرة ... وصلبه
نساني وراح هل مبعد عليه

چلاي الدهر جرحهن فجرهن
وبراكين الدمع وني فجرهن
الليالي طالن يمته فجرهن
يطلع والشمس تضوي البريه

::

منقوله هذه الابوذيــآت
للآمـــآنه

» ابوذيات حلوة